Алдарт дуучин Mariah Carey “Triumphant (Get "Em)” гэдэг нэртэй шинэ цомог гаргасан тухайгаа шүтэн бишрэгчдэдээ танилцуулжээ. Түүний шинэ синглийн дуунууд өчигдрөөс Их Британид цацагдаж эхэлсэн бол өнөөдрөөс дэлхий дахинаа iTunes-ээр шүтэн бишрэгчдэд нь хүрэх аж. Mariah Carey өнгөрсөн долоо хоногт шинэ синглийнхээ хавтасны зургийг Twitter-тээ тавьсан байсан юм.
Тэрбээр Twitter-т оруулсан бяцхан яриандаа “Бүгдээрээ сайн уу? Та бүхэнд миний шинээр гаргасан “Triumphant (Get "Em)” цомог таалагдана гэж найдаж байна. Энэ синглийн дуунууд намайг зоригжуулж, бадраасан шиг таныг ч бас зоригжуулна гэдэгт итгэж байна” гэжээ. Өдгөө 42 настай дуучин бүсгүй шинэ синглийнхээ хавтасны зурган дээрээ биений өнгөтэй тачаангуй даашинз өмсөж, нэлээн халуухан дүр төрх бүрдүүлжээ.
