1990-ээд оноос хойш Монголын хөгжмийн ертөнцөд нэгэн шинэ урсгал орж ирсэн нь хип хоп билээ. Нийгмийн аль болж бүтэхгүй байгаа үзэгдэлтэй тэмцэн өөрсдийн дуу хоолойг чөлөөтэй илэрхийлэх тус урсгалыг тухайн үед ойлгох хүн цөөхөн байсан хэдий ч одоо үед залуучуудын хамгийн сонсох дуртай урсгал болсон. Тиймээс Монгол Freezone-оос хамгийн анх хип хоп урлагтай монголчуудыг танилцуулж уран бүтээл хийж байсан хуучны Ice top, Lumino хамтлагийн гишүүд болох Коби, Тэмүүжин нарын дунд "Аль хуучин бууны хугархай нь илүү MC вэ?" гэсэн санал асуулгыг явууллаа. Тус санал асуулгад фейсбүүкчид Кобигийн төлөө 94 хувийн санал өгч Lumino-ийн Тэмүүжинг бут ниргэлээ. Ялагч MC Кобигийн хувьд хамтлагийнхаа хамгийн содон хоолойтой гишүүн гэгддэг. Түүний үглэлтийг сонсох дуртай фэйсбүүкчид үнэхээр саналын тоогоороо цөм авлаа. Харин 6 хувийн саналаар ялагдсан Lumino хамтлагийн реппер Тэмүүжингийн хувьд бусад репперээс гадаад дүр төрх имижээрээ эрхгүй ялгардаг нэгэн. Хувийн уран бүтээлээ хийж, “Репийн нууц” хэмээх номоо хип хопын үнэнч фэнүүддээ зориулан гаргаж зохиолч болох далд авьяасаа нээгээд амжсан түүнийг фэйсбүүкчид сонгосонгүй.
Монголын анхны “FaceBook” сонгуулийг “Mongol Freezone” Facebook Page, Freezone.zindaa.mn сайт хамтран зохион байгуулж байгаа билээ. Та бүхэнд сонгуульд оролцохдоо https://www.facebook.com/MongolFreezone/ хаягаар орж санал өгөх бөгөөд үр дүнг zindaa.mn сайтаас харах боломжтой.
