Монгол Улсын Гавьяат жүжигчин, дуучин Лосолын Болдбаатар “Монголоо дуулна” тоглолтоо ирэх бямба гарагт буюу есдүгээр сарын 19-нд Төв цэнгэлдэх хүрээлэнд хийнэ.
Дуучин Л.Болдбаатар эл тоглолтынхоо талаар “Би урлагт хүчин зүтгээд 25 жил болсон байна. Энэ тоглолтыг 10 жил бодож, мөрөөдөж ирсэн. Бэлтгэл ажил маш сайхан хангагдаж байна.
Би хүмүүсийн сонсох дуртай дуунуудыг дуулахаар оруулсан хичээсэн. Тэр үдэш хүн бүр дагаж дуулсан, найр шиг сайхан тоглолт болно гэж найдаж байгаа.
2004 оноос хойш Монгол бөхийн өргөө болон “Улаанбаатар палас”-т тасралтгүй тоглолт хийсэн. Энэ тоглолтуудыг бодвол сандрал харьцангуй бага байна. Тоглолтын баг хамт олон маш сайн ажилласан.
20 гаруй жил Лосолын Болдбаатар гэдэг нэр хүндийг олгож, өлгийдөж авсан түмэн олондоо баярлалаа. Миний дуу залуу үеийнхэнд хүрч буйд баяртай байгаа. Үнэнч сонсогчдодоо баярлалаа” гэв.
