“Номин талст”-ын тоглолт ирэх сарын 29, 30-нд болно

Монголын рок попын ертөнцөд өөрийн байр суурийг эзэлсэн “Номин талст” хамтлагийн залуус ирэх сард 15 жилийнхээ ойн баярыг хийх гэж буй. Багагүй хугацаанд уран бүтээлээ завсарласан тус хамтлаг ийн эргэн нэгдэж, томоохон хэмжээний бие даасан тоглолт хийхээр зэхсэн нь олон хүнийг баярлуулсан нь тодорхой.

Удтал хүлээлгэсэн тоглолт, хит дуугаараа фенүүддээ бэлэг барин төрсөн өдрөө нижгэр тэмдэглэхээр бэлтгэж яваа тэд жинхэнэ супер шоуг мэдрүүлэх гэнэ. Харин тус хамтлагийн шинэ цомог, тоглолтын продюссерээр ая зохиогч, гитарчин Д.Өлзий-Орших ажиллаж байгаа юм байна.

Энэ ч утгаараа, “Номин талст”-ын тоглолтод монголын шилдэг хөгжимчид цуглаж,  бүх талаараа супер байх болно гэдгийг амлажээ.

Р.Есүй