Залуусын чөлөөт цагаа зөв боловсон өнгөрүүлэх хамгийн тохиромжтой газруудын нэг бол яах аргагүй кино театр билээ. Энэхүү чухал үйлсэд хувь нэмрээ оруулж яваа нь Өргөө, Тэнгис кино театрууд юм. Монголын хэмжээнд энэхүү хоёрхон кино театр олигополь байдлыг үүсгэн оршин тогтнодог. Иймээс Монголын анхны Facebook сонгууль энэ удаад залуусын чөлөөт бүс болох Өргөө, Тэнгис кино театруудыг “Аль театрт кино үзэх дуртай вэ?" санал асуулгын дор өрсөлдүүллээ. Тус өрсөлдөөнд фэйсбүүкчдийн 90 хувийн саналаар Өргөө кино театр илт давуугаар ялалт байгуулав. Харин Тэнгис кино театр 10 хувийн санал авсан бөгөөд фэйсбүүкчид "Тэнгис"-ээс илүү "Өргөө"-д чөлөөт цагаа өнгөрүүлэхийг хүсдэг ажээ.
Монголын анхны “Facebook” сонгуулийг “Монгол Freezone” Facebook Page, Zindaa.mn сайтын дэд сайт Freezone.zindaa.mn хамтран зохион байгуулж байгаа билээ. Та бүхэнд сонгуульд оролцохдоо www.facebook.com/MongolFreezone хаягаар орж санал өгөх бөгөөд үр дүнг zindaa.mn сайтаас харах боломжтой.
