Дэлхийн миссийн тэмцээнд оролцож буй Х.Баярмаа мисс Ч.Содтуяагийн шавь юм. Жүжигчин мэргэжилтэй Х.Баярмаагийн хувьд давуу тал нь бөгөөд тэмцээний сүүлийн шатанд үлдээд байгаа билээ. Түүний загварын багш Ч.Содтуяатай утсаар холбогдож, мэдээлэл авсан юмаа.
– Сайн байна уу? Таны шавь "Дэлхийн мисс" тэмцээнд өрсөлдөж байгаа.
– Тэгэлгүй яахав. Х.Баярмаа манай агентлагийн үндсэн загвар өмсөгч. Би төдийгүй монголын ард түмэн бүгдээрээ дэмжиж байгаа. Олон улсын тэмцээнд амжилттай оролцож байгаад нь баяртай байна.
– Та Өвөрмонголд очиж дэмжиж байгаа юу?
– Өө дэмжиж байгаа. Тэмцээн Өвөр Монголын Ордос хотод болж байгаа болохоор монголчууд бидэнд ивээлтэй байна гэдэгт итгэж байгаа.
– Зуны амралт дуусч байна. Төлөвлөсөн ажил байгаа юу?
– Одоо гадаад руу нэг тоглолтод оролцохоор явах гээд завгүй л байна. Энэ сарын 20-д гаргаад ирнэ. Тэр үед нь тодорхой мэдээллийг уншигчдад хүргэе.
