Ардын урлагаа сурталчилж, нийслэлчүүдэд урлагийн тоглолтоор үйлчлэх үндсэн үүрэгтэй “Улаанбаатар” чуулгын бүжигчид ардын бүжгийн баялаг өв сангаас үзэгчдэд толилуулахаар бэлтгэж байна.
Тэд ардын бүжгийн тоглолтоор энэ намрын улирлын үзвэрээ нээхээр энэ сарын эхнээс бэлтгэлээ эхлүүлжээ. Удахгүй үзэгчдэд хүрэх тоглолтод Монголын олон үндэстэн, ястны ардын бүжиг, Төрийн шагналт бүжиг дэглээч Ц.Сэвжид, С.Сүхбаатар нарын бүтээлүүдээс багтааж буй аж. Байгуулагдаад 5 жил гаруй болсон ч олон арван гайхалтай уран бүтээл туурвиж үзэгчдэд хүргэсэн тус чуулгынхан өнгөрсөн оны сүүлчээр “Ай Нанаа” түүхэн дуулалт жүжиг, энэ оны гуравдугаар сард "Хүрээ хорвоо" дуулалт жүжиг, зургаадугаар сард “Янзаган хүрээ” хүүхдийн дуулалт жүжгээр үзэгчдэд бэлэг барьсан.
www.urlag.mn Ayu
