“Disney Channel”-ийн нүүр царай болж Лиззи Мүгуар хэмээх тайзны нэрээрээ алдаршсан Хиллари Дафф үрийн зулай үнэрлэн, хөгжмийн карьераа хөөн хэсэг хугацаанд дэлгэцнээс хөндийрсний эцэст эргэн дэлгэцийн урлагт хүч сорих болсноо олон нийтэд зарласан нь түүний шүтэн бишрэгчдийн хувьд томоохон гэнэтийн бэлэг болжээ. Дэлхийд алдартай “Disney Channel”-ийн од тэрбээр “Twitter”-ийн хуудаснаа “20th century fox”-той хамтын гэрээ дахин байгуулж хагас цагийн инээдмийн жүжигт тоглох болсондоо баяртай байна.
Би удахгүй очлоо” хэмээн бичжээ. Багагүй хугацаанд дэлгэцийн уран бүтээлээсээ хөндийрсөн тэрбээр шинэ шоу тоглолтонд гол дүр бүтээн гарч ирэн, шүтэн бишрэгчдээ баярлуулж байгаа нь яахын аргагүй сайхан мэдээ хэмээн Хиллари Даффын шүтэн бишрэгчид “Twitter” хуудаснаа олноор сэтгэгдэл үлдээсэн байна.
