“Итали азарга”-ын ээж одоо 90 настай. Гэхдээ тэрбээр ийм өндөр настай гэж харагддаггүй. Зурхайч мэргэжилтэй Жэкки Сталлоне залуу харагдахын тулд гоо сайхны хагалгаанд олон удаа орж байсан аж.
Сильвестр Сталлоне ээжийнхээ юу хийхийг хэзээ ч зааварладаггүй. Тэрбээр TMZ сайтад өгсөн ярилцлагадаа “Миний ээж гоо сайхны хагалгаанд орж, өөрийнхөөрөө л амьдарч байна. Түүний энэ байдлыг ээжээс өөр хэн ч өөрчлөхгүй” гэжээ.
Нэр хүндтэй, алдартай жүжигчний ээж гоо сайхны хагалгаанд олон удаа орж, үеийнхнээсээ “тасарч” байгааг хүмүүс тийм ч тааламжтай хүлээн авдаггүй аж. Учир нь гоё сайхан болохоосоо илүүтэйгээр намба төрхийг нь алдагдуулж байна хэмээн шүүмжлэх янзтай байдаг гэнэ.
Жэкки Сталлоне залуудаа бүжигчин, мэргэжлийн бөхийн (нохой зодоон) тамирчин байжээ. Тэрбээр 1945 онд Франк Сталлонетой гэрлэж, тэд Сильвестр болон Франк хэмээх хүүтэй болсон байна. Гэвч хосууд 1957 онд хоёр тийш болжээ. Удалгүй Жэкки Сталлоне Антони Филититэй гэрлэж Тони Д’Алто хэмээх хүүтэй болсон байна.
Т.Арьяа
