Г.Уянга Lady Gaga-ийн хит дуунаадаар тоглолт хийх нь

Жил жилийн “Universe Best Songs” наадмаас олон чадалтай, өвөрмөц өнгө төрхтэй дуучид төрөн гардаг. Тэдний нэг бол өнгөрсөн жилийн шилдэг оролцогчдын нэг Г.Уянга юм. Гал улаан үсээр стиль имижээ бүрдүүлж, Лэди Гагагийн дуугаар үзэгчдэд танигдсан тэрбээр тун удахгүй нэгэн ковер тоглолт хийхээр бэлтгэлдээ ороод байгаа юм байна.
Энэхүү тоглолт нь “LADY GAGA COVER NIGHT” нэртэй бөгөөд алдарт дуучин Лэди Гагагийн үе үеийн хит дуунуудыг амьд хөгжимтэй эгшиглүүлэх юм байна. Тэрээр тоглолтдоо амьд хөгжмийн “VATAME” хамтлагтай тоглохоор зохих бэлтгэлээ хийж эхлээд байгаа юм. Тиймээс дуучин бүсгүй энэ тоглолтоороо өөрийн амьд дуулалтаа үзэгчдэд 100 хувь мэдрүүлж, мэдээж Лэди Гагагийн дуугаар залуусыг доргионо гэдгээрээ онцлог. Тоглолт хоёр хэсгээс бүрдэх юм байна. Эхний хэсэгт амьд хөгжимтэй дуулах бол дараагийн хэсэгт залуусыг бүжиглэх, доргиох зорилгоор дуучны фонаграмм дээр дуулах ажээ. Энэ үдэш Лэди Гагагийн үе үеийн хитүүд болох “Telephone”, “Paparazzi”, “Poker face”, “Bad romance”, “Alejandro”, “Born this way” гээд та бидний сонсох дуртай дуунуудыг дуучин Уянга цоо шинэ найруулгад оруулан дуулна. Тоглолт энэ сарын 25-нд 22:00 цагаас “Xtreme” клубт болох юм байна. Ингээд залуу уран бүтээлчийн бэлдсэн ковер тоглолтыг сонирхож, нэгэн үдэш Лэди Гагагийн дуунуудыг амьд хөгжмийн дор сонсон мэдрэхийг хүсвэл хүрэлцэн ирэхийг урьж байна. Сонирхуулахад, дуучин Уянгыг “Universe”-ийнхэн “Уяангага” хэмээн хочилдог гэнэ шүү. Учир нь түүнийг гала тоглолтынх нь үеэр хөтлөгч Анууш “Уяангага” хэмээн зарласнаар алдарт дуучны нэртэй хоч өөрийн ч мэдэлгүй авсан гэнэ лээ.