Майкл Жексоны хүүхдүүд хүүхэлдэйн кинонд дуу оруулна

Попын хаан агсан Майкл Жексоны хүүхдүүд хүүхэлдэйн кинонд дуу оруулахаар болсныг хэвлэлүүд мэдээлж байна. Одоогоор олдсон мэдээллээр бол Азийн нэгэн хүүхэлдэйн киног Америкт гаргахын тулд англи хэл дээр дуу оруулахаар төлөвлөж байгаа гэнэ. Чухам ямар кинонд дуу оруулахыг тодорхой мэдээлсэнгүй. Энэ ажилд Жексоны гурван хүүхэд бүгдээрээ хамрагдана. 15 болон 10 настай Принс, Бланкет хөвгүүд, мөн 14 настай Пэрис охин оролцох юм. 

Зарим нэг мэдээллээр бол Жексоны хоёр том хүүхэд нь шоу бизнест хүчээ сорихоор шийдсэн байна. Пэрис охин өмнө нь жүжигчний ажлыг хийж үзээд амжчихсан нэгэн. Тэрээр хүүхэлдэйн кинонд дуу оруулснаар цаашдаа өөр томоохон төслүүдэд хамрагдах байх гэж найдаж суугаа гэнэ. Аавыгаа нас барахаас өмнө хүүхдүүд нь хэзээ ч сургуульд явж байгаагүй бөгөөд үе тэнгийнхэнтэйгээ харьцаж байгаагүй юм. Тэд гэрийн боловсрол олж авсан бөгөөд аав нь тэднийг бусдын нүднээс нууцалж байжээ.