Өмнөд Солонгосын рэппэр PSY-ын “Ганнам стиль” хэмээх дуу хөгжилтэй басхүү өвөрмөц содон шийдлээрээ Азийн орнуудыг төдийгүй АНУ-ын оддыг ч гэсэн шүтэн бишрүүлж байна. Учир нь тус дууг алдарт дуучин Нелли Фуртэдо нэгэн тоглолтынхоо үеэр дуулж байсан бол попын гүнж Бритни Спирс, Венесса Хадженс нар өөрсдийн фэйсбүүк болон блогтоо байршуулж “энэ дуунд үнэхээр дуртай” хэмээн бичжээ.
Тэр дундаа Бритни “Би энэ клипэн дурлаж байна. Үнэхээр хөгжилтэй гээч. Энэ бүжгийг ч бас сурах хэрэгтэй байна. Хэн нэгэн надад зааж өгөхгүй биз? haha” гэсэн тэмдэглэлийг фэйсбүүкдээ үлдээжээ.
Дашрамд дурьдахад, Ганнам стиль дуу нь: Солонгосын ихэнхи баячууд амьдардаг Ганнам дүүргийн хүмүүсийг, мөн тэднийг хүлэээн авдаг иргэдийн сэтгэхүйг элэгсгээр шоглож, шүүмжилсэн утгатай юм байна.
