Харри Потерын мэндэлсэн байшинг худалдах гэж байна. Британийн Саффолк мужид орших, шидтэний тухай киноны зураг авалтанд ашигласан энэ байшинг 1,5 сая доллараар худалдан авах боломжтой юм байна. “De Vere House” гэх нэртэй энэ байшинд кино зохиолын дагуу Поттерын эцэг эх гунигтайгаар өөд болох хүртлээ амьдарч байсан юм. Чухам энэ л байшинд Харри духан дээрээ цахилгааны хэлбэртэй сорвийг авч байсан юм. Энэ байшин жуулчдын дунд ихээхэн алдартай гэнэ.
Даунинг стрит дахь ерөнхий сайдын өргөөний араас хамгийн үзүүштэй орон сууцны объектуудын жагсаалтын 2-рт энэ байшин ордог гэнэ. Бодит амьдрал дээр энэ өргөө нь 14-17-р зууны хооронд Англидаа маш нөлөө бүхий Де Верийнхний гэр бүлийн эзэмшилд байжээ. Архивт тэмдэглэгдсэн түүхээс үзэхэд энэ байшинд Эзэн хаан 7-р Генрих өөрийн биеэр зочилж байсан удаатай гэнэ.
Байшингийн ирээдүйн эзэн нь зочны өрөө, галын өрөө, хүлээн авалтын танхим, 3 унтлагын өрөө, 2 ариун цэврийн өрөөний азтай эзэн болох юм байна. Нэмж сонирхуулахад өнгөрөгч 4 дүгээр сард Харри Поттерын музей нээгдсэн билээ. Кино зургийг авсан декорацийг зугаа цэнгэлийн сэдэвчилсэн хүрээлэн болгон хувиргасан байна. Энэ нь үзэж харах зүйл ихтэй сонирхолтой үзэсгэлэн болжээ.