Их Британийн гүнж Кэти Мидлтоны үеэл Катрина Дарлинг энэ оны эхнээс л хэвлэлийнхний анхаарлын төвд орсон юм. Тэрбээр тус улсын хатан хааны угсааны хамаатан болсон учраас түүний хаана, юу хийж байгаа нь хүмүүс сонирхолтой байдаг.
Саяхан Катрина Дарлинг Нью-Йоркийн нэгэн бааранд тайчих урлагийн үзүүлбэрээ үзүүлжээ. Ингэхдээ тэрбээр Америкийн эрх чөлөөний хөшөөтэй адилхан хувцасласан бөгөөд гэрэлтдэг дотуур хувцас өмсчээ.
Катрина Дарлинг гүнж Кэти Мидлтон болон түүний нөхөр Уильямд дургүй. Гэсэн ч тэрбээр гүнжтэй яах аргагүй ахан дүүсийн холбоотой билээ. Тиймдээ ч Кэти Мидлтоны чихийг халууцуулж буй ганц “гэмтэн” хэмээгддэг. Тайчигч бүсгүйн эмээ нь гүнжийн өвөө Томас Харрисоны дүү аж. Тиймээс Их Британийн хаан угсааныхан 22 настай бүсгүйг авхай хэмээн хүндлэхээс өөр аргагүй юм.
Энэ долоо хоногт юм уу, ирэх долоо хоногт Кэти Мидлтоны эгч Пиппа номын нээлтээ Нью-Йоркт хийх гэж байгаа. Энэ үеэр Катрина Дарлинг үеэл эгчтэйгээ уулзана гэж хэвлэлүүд мэдээлжээ. Харин Кэти Мидлтон түүнтэй уулзаагүй удаж байгаа аж.
Т.Арьяа
