“Paramount” кино компани үүсгэн байгуулагдсаны 100 жилийн ой энэ онд тохиож байгаатай холбогдуулж “Оскар”-ын шагналт 116 жүжигчин, найруулагч гэх мэт алдартнууд нэг дор зургаа татуулсан байна.
“Studio 18”-д явагдсан зураг авалтад оролсон алдартнуудын тоглосон кинонууд “Box-office”-т нийт 103 тэрбум ам.долларын орлого олжээ. Тэдний энэхүү зургийг гэрэл зурагчин Арт Стрэйбер дарсан байна. Тэрбээр “Би алдартнуудын зургийг нэг дор дарна гэж өмнө нь бодож байсангүй. “Оскар”-ын шагнал гардуулах ёслолын үеэр хамгийн ихдээ нэг дор 3-5 алдартныг нэг зурганд багтаах боломжтой” гэжээ.
Зураг авалтад оролцсон алдартнуудаас дурдвал, Жулиане Мур, Жорж Клүүни, Адам Сандлер, Роберт де Ниро, Жое Салдана, Петер Богданович, Кэйт Хадсон, Харрисон Форд, Стевин Спиелберг, Том Круз, Шон Пенн, Брэд Питт, Камерон Диаз, Леонардо ДиКаприо, Морган Фрийман, Меган Фокс, Антонио Бандерас, Деми Мур, Жастин Бэйбер багтжээ. Тэдний тоглосон кино “Оскар”-ын шагнал хүртсэн ба зарим нь энэхүү шагналыг аваагүй ч “Paramount” кино компанийн шилдэг бүтээл учраас жүжигчин, найруулагч болон бусад алдартныг зурганд багтаажээ.
Т.Арьяа
