Алтан хальс холбоо ҮСАХ-тэй хамтран “Open Air Cinema” хөтөлбөрөөр задгай талбай кино гаргаж буй билээ. Энэ удаа тэд Рой Андерсоны “Швед хайрын түүх” өгүүлэх аж. 1960-70-аад оны үеийн Шведийн суут бүтээл (Ингмар Бергманы бүтээлүүдийг үл тооцон) “Хайрын түүх” хэмээх нэртэй энэхүү кино эх нутгаасаа бусад газар “Швед хайрын түүх” нэрээрээ алдартай. Найруулагч Рой Андерссоны анхны бүрэн хэмжээний бүтээл юм.
Тус кинонд найруулагчийн хожимоо төгсжүүлсэн гэж болох хөшүүн (deadpan) комедийн бага сага элемент бий. Гэвч киноны үйл явдал мэдээж ариун хайрын түүх дээр төвлөрнө.
Франко Зеффиреллийн “Ромео Жульетта хоёр” кино хит болж байсан үе дэх хоёр залуусын хайр сэтгэл. Энэ хайрын түүхээс гадна киноны гол утга санаа нь хайрт хосын эцэг эхийн зан араншинтай холбоотой. Ирээдүйн худ ургууд болж мэдэх хүмүүс маань хэрхэн олон талаараа өөр байгаа нь дээр дурдсан хөшүүн комедийн бай болно.
Тус киноны хийц бүрэлдэхүйд том нөлөө үзүүлсэн хүмүүс нь Францын найруулагч Жак Розьер байж мэдэх юм. Бас Жак Розьерийн даган дууриаж байсан аугаа яруу реалист найруулагч Жан Ренуар, Розьер, Ренуар хоёртой адил “Швед хайрын түүх” кино бодит байдлын яруу найраглаг шинж чанар, гайхалтай гадаах зураглалаар баялаг.
“Швед хайрын түүх” кино ҮСАХ-нд есдүгээр сарын 30-ны 20.00 цагаас гарах юм байна
