Монголын театр урлагт нэгэн шинэ түүхийг бичихээр "Шөнийн театр" хэмээх содон нэртэй театр шинэ өнгө төрхийг нэмэхээр үүд хаалгаа нээж байгаа юм байна. Тэрээр Лас Вегас, Венец, Парис зэрэг жинхэнэ метрополис хотуудын нэг илэрхийлэмж нь яахын аргагүй шөнийн дуу алдмаар чамин тансаг шоу тоглолтууд байдаг.
Тэгвэл Улаанбаатарынханд зориулсан, таашаалд нь нийцсэн ийм урлагийн төрлийг цоо шинээр тавьж үзэгчдэд хүргэхэд бэлэн болоод байгаа аж. Тиймээс тус театрынхан ирэх 10-р сарын дундуур “Нууцаа дэлгэе” нэртэй кабаре шоугаа үзэгчдийн хүртээл болгохоор бэлтгэл ажилдаа ороод байгаа гэнэ.
Үзэгчдийнхээ стрессийг тайлж, цэнгэл таашаалыг эдлүүлэхийн зэрэгцээ урлагийн гоё сайхныг мэдрүүлж байхын төлөө уран бүтээл нь зориулагдах аж.
"Кабаре" шоуг үзэгчид энгийн жүжиг, тоглолт үздэгтэй адил эгнээ суудалд сууж үзэхгүй. Харин үзэгчдийн танхимд ширээ засаж, шоугаа үзэхийн зэрэгцээ авч кофе, ундаа уух үйлчилгээ авах боломжийг анх удаа олгож байгаа гэнэ. Кабаре шоу нь аль ч улсад шөнийн цагаар тоглогддог. Учир нь хүний хамгийн чөлөөт цаг шөнийн цаг байдаг ажээ.
www.urlag.mn Ayu
