Т.Билэгжаргал “Гарал угсаа”-г дэлгэнэ

Жүжигчин Т.Билэгжаргал буюу Бэкэ дэлгэцийн анхны бүтээлээ үзэгчдэд хүргэхэд бэлэн болжээ. Түүний шинэ уран бүтээлийн нэр “Гарал угсаа”. Бэкэ өөрөө киноныхоо зохиолыг бичиж, найруулсан, өөрөө гол дүрд нь тоглосон гээд тун ч өвөрмөц бүтээл төрж байгаа гэнэ. Тэрбээр кинондоо чадварлаг  баг, хамт олныг бүрдүүлэн тоглуулсан аж. Киноны гол дүрд “Мөрөөдлийн театр”-ын жүжигчин Т.Баттулга, УДЭТ-ын жүжигчин Л.Баттөр, “Гурван охин” хамтлагийн дуучин Г.Анхмаа, “Х-Түц” хамтлагийн жүжигчин Д.Алдармаа, М.Цэрэндолгор, Төрийн соёрхолт, Ардын жүжигчин Н.Сувд, Ардын жүжигчин П.Цэрэндавга, Гавьяат жүжигчин Г.Равдан, УДЭТ-ын жүжигчин Г.Эрдэнэбилэг, Р.Баттогтох зэрэг тайз, дэлгэцийн мундгууд чуулжээ. Өчигдрөөс эхлэн Бэкэ “Гарал үүсэл” киноныхоо постерыг дэлгэн, фэйсбүүкт албан ёсны хуудас нээгээд байгаа юм. Тэрхүү постертоо “мөнхийн сэдэв” хэмээн тодотгосон нь үзэгчдийн сонирхлыг татаж буй. Одоогоор киноны тов хараахан гаргаагүй байгаа ч үзэгчдийн дунд хүлээлт үүссээр.