“Гурван охин” хамтлагийн дуучин Анхмаагийн найз залуу Т.Билэгжаргал анх удаа “Гарал угсаа” нэртэй кино найруулж, зохиолыг нь өөрөө бичиж, гол дүрд нь бас тогложээ.
Уг кинонд Т.Билэгжаргалаас гадна түүний найз бүсгүй Т.Анхмаа, мөн Т.Баттулга, “Тусгай салаа”-гийн П.Баттөр, “Шинэ үе” продакшны жүжигчин Алдармаа нар тоглосон байна.
“Гарал угсаа” киноны постерт “Хүн хийсэн үйлийнхээ хариуг хүссэн хүсээгүй заавал хүртдэг” хэмээн бичсэн нь адал явдалт киноны үйл явдлын зангилаа бололтой.
Энэхүү киноны тухай албан ёсны мэдээлэл байхгүй байгаа бөгөөд чухам хэзээ нээлтээ хийх нь одоогоор тодорхойгүй байгаа ч тун удахгүй бололтой.
