Поп гүнж Бритни Спирсийн үндсэн хөрөнгийн хэмжээ болон нийт зарлагынхан дүнг “TMZ” олонд дэлгэн бичжээ. “TMZ”-д бичсэнээр Бритни Спирсийн хөрөнгө 200 сая ам.доллараар үнэлэгдэж байгаа аж.
Тэрээр долоо удаагийн хит цомог гарган, аялан тоглолт хийж, реклам, сурталчилгаанаас сая саяыг олж, бас өөрийн арав гаруй үнэртэн гаргасан. Мэдээж, “X Faxtor”-ын шүүгчээр ажиллахын тулд 15 сая ам.долларын гэрээ байгуулсан. Хэдийгээр түүний өнгөрсөн хугацаанд олсон нийт орлого тэрбумаар үнэлэгдэж болох ч зарлага нь тун хяналтгүй урсаж байдаг гэнэ.
Бритни сар бүр Калабасас дахь байшиндаа 19 мянга, цахилгаан ашигласны төлбөрт гэхэд зургаан мянга орчим ам.долларыг зарцуулдаг юм байна. Харин сүүлийн байдлаар Бритнигийн бэлэн мөнгө 15 сая ам.доллар байжээ.
