Дэлхийн кино сонирхогчдын анхаарлыг зүй ёсоор татаад байсан Жеймс Бондын шинэ адал явдлыг харуулах ”Skyfall” кино өчигдөр орой Лондоны ”Royal Albert Hall” ёслол төгөлдөр нээлтээ хийлээ. Жинхэнэ сонгодог Жеймс Бондыг дэлгэцнээ эргүүлэн авчирсан хэмээн үнэлэгдэж буй ”Skyfall”-ын нээлтэд Английн угсаа залгамжлах хунтайж Чарльз, гэргий Камиллагийн хамт хүрэлцэн ирсэн нь Жеймс Бонд хэр нэр хүндтэй кино болохыг харуулсан юм.
