Английн хатан хаан Кейт Уинслетэд шагнал гардуулав

Aрваннэгдүгээр сарын 21-ний өдөр алдарт жүжигчин Кейт Уинслет “Их Британийн эзэнт гүрний одон” гардан авлаа. Түүний кино урлагт оруулсан хувь нэмрийг нь ийнхүү үнэлжээ. Хүндэт одон гардуулах ёслол Букингемийн ордонд болсон бөгөөд хатан хаан өөрийн биеэр энэ одонг жүжигчний энгэрт зүүж өгсөн аж.
“Титаник” кинонд тоглон од болсны дараа тэрээр “Оскар” шагнал хүртсэн бөгөөд “Уншигч” хэмээх киноны төлөө ийнхүү улсынхаа өндөр шагналыг хүртэж байгаа юм. Шагнал гардуулах ёслолын үеэр хатан хаантай хүүхдүүдийн талаар, эх байх тухай ярилцсан хэмээн жүжигчин ярьжээ. “Эрхэмсэг дээдэстэн надад миний ажил таалагддаг уу гэж асуусан. Би үүнд тиймээ маш их таалагддаг, яг л эх байхтай адилхан гэсэн. Үүний хариуд үнэхээр тийм шүү эх байна гэдэг дэлхий дээрх хамгийн сайхан ажил хэмээсэн. Үнэхээр сайхан байсан шүү. Би түүнтэй санал нэг байна” гэж жүжигчин бүсгүй онцолжээ. Кейт Уинслетийн сэтгэл их хөдөлж байсан бөгөөд Оскарын шагнал хүртэж байхдаа ингэж догдолж байгаагүй. Гэтэл хатан хаантай уулзахад ихэд сандарсан гэдгээ ч нуусангүй.