Монголын хөгжмийн зохиолчдын холбооноос жил бүр уламжлал болон зохиогдож ирсэн оны шилдэг дуу, хөгжмийн зохиолчийг шалгаруулах “Морин хуур-2012” наадам 26 дахь жилдээ болж өчигдөр өндөрлөлөө. Энэ наадамд хөгжмийн зохиолчдын 80 гаруй бүтээл ирснээс 27 шилдгийг шигшин авч уг наадмын гала концертоор дүнг зарласан юм. Тэднээс наадмын шүүгчид 10 бүтээлийг онцлон авч тусгай байр долоо, нэг хоёр гурав гэсэн байруудын шагналтныг тодрууллаа.
Гран-при шагналын эзнээр төрийн соёрхолт, хөгжмийн зохиолч Б.Шарав “Аминаас үнэтэй газар шороо мину” дуугаараа хүртлээ. Гран-при шагналтан батламж, мөнгөн морин хуур цом, ивээн тэтгэгчийн шагнал гурван сая төгрөг гардлаа. Морин хуур наадмын нэгдүгээр байрыг хөгжмийн зохиолч, “Морин хуур” наадмын гурван удаагийн шагналт Б.Бямбабаяр “Монголоо санасан сэтгэл” дуугаар авлаа. Хоёр, гуравдугаар байрт хөгжмийн зохиолч Т.Сэр-Од, С.Мөнх-Ертөнц нарын дуунууд шалгарсан юм.
www.URLAG.mn
