Гэгээн Валентины баярыг дуучин Бритни Спирс нэгэн залуутай өнгөрүүлсэн тухай мэдээлэл цацагдсан ч, яг ямархуу төрхтэй, хэн гэдэг эри болохыг хэвлэлийнхэн тодруулж чадалгүй өнгөрсөн юм. Тэгвэл нэрт дуучныг эргүүлж дөнгөсөн эрийг Дэвид гэдэг гэнэ. Тэр 27 настай. Атлантагаас гаралтай Дэвид хувийн мөрдөгчөөр ажилладаг юм байна.Бритни тэр хоёр найз нөхдийнхөө холбоогоор танилцсан ажээ. Дэвид гольф тоглох тун дуртай тул Бритниг байсхийгээд энэ тоглоомдоо дагуулан авч явж, сургах болжээ.
Харин Гэгээн Валентины баяраар тэрээр Бритнитэй хамт Sherwood Country Club-т түргээн хоол авч идэхдээ 60 ам.доллар зарцуулсан бөгөөд гарахдаа үйлчлэгчид цайны мөнгө гэж 13 ам.доллар өгчээ. Энэ нь түүнийг харамч хахир эр биш гэсэн бодлыг төрүүлэхэд хүргэсэн байна.Хэдийгээр дуучны анд найзууд болон гэр бүлийнхнээс Дэвидтэй ямар нэгэн харилцаа байгаа эсэх талаар ам нээгээгүй ч гэсэн папараццчид тэднийг аль хэдийнэ илчилжээ.
