Монгол Улсын урлагийн гавьяат зүтгэлтэн, хөгжмийн зохиолч Л.Балхжавын гэрийг урлагийнхан “алтан байшин” хэмээн хошигнох болжээ.Тэрбээр “Жаргалан” хотхонд байрлах гурван давхар тохилог хаусанд амьдардаг билээ. Түүний гэрийн засал тохижилт, барилгын зургийг нь хүртэл гавьяатын гэргий Ариунаа өөрийн гараар гаргасан аж. Түүнийг “СОТ-2” барилгын трестэд ажиллаж байсныг хүмүүс тэр бүр мэдэхгүй байх. Тэгвэл тэрбээр барилгын салбарт ажиллаж байсан туршлагадаа тулгуурлан, гэрээ хэнээс ч дутахааргүй сайхан тохижуулсан байна. Ариунаа хатагтай тавилга, хана, тааз гээд байшингаа бүхэлд нь алтлаг шар, цагаан өнгөөр чимэглэсэн нь ийнхүү уран бүтээлч нөхдийнх нь анхаарлыг татах үндэс болжээ.
Эх сурвалж: Өглөөний сонин
