Оддын эгдүүтэй ноход…

 Хилари Дафф Жэкийн хамт

Жүжигчин, дуучин Хилари Дафф тоглоомон нохой хэмээгддэг Йорки үүлдэрийн гөлгөө дагуулан Шерманы малын эмнэлэгт ирж буй нь. Хилари болон түүний дүү Хэйли нар дөрвөн гөлөг тэжээдэг. Жэк /Йорки үүлдэр/, Бэнтли /Польш хав/, Коко Шанель, Лола /Чихуахуа/.

Рианнагийн бяцхан Оливер

Дуучин Рианна бяцхан гөлөг Оливерээ тэврэн Нью-Йоркийн Стелла МакКартнигийн дэлгүүрт зочилж буй нь. Жэссика Симпсон, Эллен Деженерс, Кармен Электра гэх мэт оддын дийлэнх нь түүн шиг Малтипу үүлдэрийн хав тэжээдэг. “American Music Awards”-ийн шагналт Рианнад Оливерээс гадна Марли хэмээх польш хав бий.

Ванесса Миннилло, Ник Лачи нар Вукигийн хамт

Саяхан урд хөлөө бэртээсэн Вукигээ эмнэлэгт үзүүлээд харьж буй Ванесса Миннилло. Вукигээс гадна телевизийн хөтлөгч Ванессад Руди, бяцхан Ники, Бубба нэртэй гурван пинчер үүлдэрийн нохойтой.

Парис Хилтоныхыг Кимчи гэдэг

Өв залгамжлагч Хилтон Нью-Йоркоор зугаалахдаа Кимчи нэртэй польш хавнаасаа салсангүй. Түүнийг бяцхан нохдод хайртай гэдгийг нь хүмүүс андахгүй. Тиймээс ч Парис шинэхэн найзаа Солонгосын амьтны дэлгүүрээс худалдан авсан байна. Тэрбээр “Би 12 нохой, гурван муур, Мэрлин болон Монро нэртэй хоёр туулайтай. Мөн гурван тоть, хоёр сармагчин бий. Тэднийгээ Невада дахь эдлэндээ орхисон. Харин Тинкербелл эцэг эхтэй минь хамт байгаа” хэмээн тэжээвэр амьтдаа танилцуулжээ.

Жэссика Симпсоны Дэйси

Дуучин, жүжигчин Жэссика Симпсон Остиний нисэх онгоцны буудалд Малтипу үүлдэрийн нохойгоо тэвэрч буй нь. Тэрбээр “The Dukes of Hazzard” кинонд Дэйси Дюкийн дүрийг бүтээснийхээ дараа бяцхан гөлгөө Дэйси хэмээн нэрлэжээ. Хамгийн дурсгалтай бэлэг болох Дэйсигийнхээ тухай Симпсон “Тэр үргэлж л надтай хамт байдаг. Миний бодлоор тэр намайг сайн ээж болоход минь тусалж байгаа байх” хэмээжээ.