Дэлгэцийн хийгээд хөгжмийн ертөнцийн цөөнгүй алдартнууд амиа егүүтгэх энэхүү “тэнэг” алхмыг нэг бус удаа үйлдэж байжээ. Эдгээрээс түүвэрлэн дараах “10” алдартны тухай шар мэдээллийг дэлгэж байна.
Дрью Берримо
9 настайгаасаа хар тамхи, мансууруулах бодисонд донтож эхэлсэн Дрью 14 / 15 настайдаа амиа егүүтгэхээр завдаж байжээ. Энэ нь түүнийг хар тамхи мансууруулах бодисны эсрэг эмчилгээнд хамрагдаж байх үед болсон бөгөөд тэрээр эмнэлгээсээ оргож энэ алхмыг хийжээ. Энэ хугацаанд түүнтэй хамт дуучин Дэйвид Кросби гэргийнхээ хамт тусалж дэмжсэн нь түүнийг өдий зэрэгт хүргэхэд ихээхэн түлхэц болжээ. Ингээд Дрью дахин амиа егүүтгэх талаарх огт бодохоо болисон гэдэг юм байна.
Өүвень Уилсон
Багадаа хоёр ч удаа хамраа хугалуулж байсан дэггүй Өүвень 2007 онд амиа егүүтгэхээр судсаа ханажээ. Шалтгаан нь жүжигчин Кэйт Хадсоноос салсан болон хар тамхи, мансууруулах бодисноос болсон бөгөө ах нь түүнийг олж авраагүй бол тэрээр энэ хорвоод байхгүй байх байжээ.
Эминем
Ахлах сургуулиасаа хойш хамтдаа байсан Кимберли Энн Скотоос салсан шархаа дийлэлгүй реппэр Эминем амиа егүүтгэх оролдлогыг нэг бус удаа хийж байжээ. Энэ явдал түүнийг нэрд гарахаас өмнө болж байсан бөгөөд 1996 онд “тиленол”-ыг хэтрүүлэн хэрэглэж үхэхээ дөхөж байсан юм байна.
Диана гүнж
Уэлсийн гүнж Дианагийн тухай намтарчилсан нэгэн бүтээлд түүнийг амьдралдаа хэд хэдэн удаа амиа егүүтгэх оролдолого хийж байсан тухай бичжээ. Энэхүү намтарчилсан бүтээлийг Эндрью Мортон бичсэн ба 1992 оны бүтээл юм. Нийтэд мэдэгдсэн ч хатан хааны гэр бүлээс хараахан хүлээн зөвшөөрөөгүй нэг тохиолдол бол хунтайж Виллиамыг тээж байхдаа шатнаас унаж амиа егүүтгэхээр завдсан явдал ажээ.
Бритни Спирс
Попын гүнжи Бритни амьдралдаа хоёр ч удаа амиа егүүтгэхээр завджээ. Амьдралд нь тохиосон олон ч саад бэрхшээлийг даван гарч өдгөө уран бүтээлдээ идэвхитэй орсон тэрээр эхний удаа машинд дайруулж үхэхээр, дараа нь хар тамхи хэтрүүлэн хэрэглэж амиа егүүтгэх оролдлогыг хийж байжээ.
Фрэнк Синатра (1915 – 1998)
Америкийн нэрт жүжигчин, дуучин Фрэнкийн нийтэд мэдэгдсэн амиа егүүтгэх оролдлого нь түүнийг хоёр дахь гэргий Эва Гарднераас салсны дараа болсон бөгөөд үүнээс гадна нэг удаагийн оролдлого байдаг гэнэ. Гэвч амьдрах хувьтай тэрээр эдгээр егүүтгэлтийн сүүлийн хормуудад амь аврагдаж байсан гэдэг.
Хэли Берри
“Муур эмэгтэй” жүжигчин Хэллигийн хувьд анхны нөхөр Дэйвид Жастисаас салсан нь түүнд сэтгэлийн их дарамт учруулж арга буюу машиндаа угаартаж амиа егүүтгэх алхмыг сонгоход хүргэж байжээ. Энэ тухайгаа тэрээр “People” сэтгүүлд өгсөн ярилцлагадаа дурьдсан ба тухайн агшинд угаартаж үхэхийн даваан дээр байхад нь ээж нь ирж гаргаснаас өөрийг санадаггүй гэжээ.
Оззи Озбөрн
Хөгжмийн урлагт амьдралынхаа 40 гаруй жилийг зориулан яваа Оззи өсвөр наснаасаа эхлээд амьдралдаа нилээд хэдэн удаа энэхүү тэнэг алхмыг хийх гэж оролдож байсан тухайгаа хүлээн зөвшөөрсөн байдаг бөгөөд “Suicide Solution” дуундаа энэ тухайгаа илэрхийлсэн байдаг гэж үздэг. Гэвч зарим эх сурвалжид бичсэнээр тэрээр энэхүү дуугаа AC/DC хамтлагийн хөгжимчин Бон Скотын амьдралаас сэдэвлэж бичсэн бөгөөд Бон архийг хэтрүүлэн хэрэглэснээс болж нас баржээ. Энэ дууг сонссон өсвөр насны Жон МакКоллум хүү амиа егүүтгэж Оззи нэг хэсэг шүүхэд дуудагдаж байсан гэнэ.
Элизабет Тэйлор (1932 – 2011)
Холливудын алтан үеийн гайхалтай жүжигчин Элизабет амьдралынхаа туршид цөөнгүй удаа амиа егүүтгэхээр завдаж байсан бөгөөд сэтгэл санаагаар унаж, архи тамхинд ихээр орсон нь амиа егүүтгэх гол шалтгаан байдаг байжээ. Тэрээр бараг бүх л насаараа элдэв өвчинд их ороогддог байсан нь сэтгэлийн дарамтад их оруулдаг байсан ба тав дахь нөхөр Ричард Бөртоноос салсан нь хүнд цохилт болж улмаар нойрсуулах эмний тунг хэтрүүлж амиа егүүтгэхэд хүргэж байсан гэнэ.
Элтон Жон
Дээрх оддын ихэнхи нь бүтэлгүй хайрын шархнаасаа болж амиа хорлохыг завдсан байхад Элтон Жоны хувьд тэрээр Лиза Вүүдроу хатагтайтай гэрлэнэ гэсэн амтлалтаа биелүүлж чадаагүйгээсээ болж амиа егүүтгэхээр шийджээ. Азаар гэрийнх нь хажуугаар явж байсан найз нь түүнийг олж аварсан ба хийн баг өмсөөд үхэх гэж байжээ.
www.URLAG.mn
