Нийслэлийн Улаанбаатар чуулга нь ард олондоо ардын урлагийг түгээн дэлгэрүүлэх эрхэм зорилгийнхоо хүрээнд олон арван ажлуудыг хийсээр ирсэн бөгөөд эдгээр ажлуудын үргэлжлэл болгож тус чуулгаас уртын дуу зааж сургах "Монгол уртын дуу" хэмээх сургалт хөтөлбөр хэрэгжүүлээд байгаа юм.
Монгол ардын уртын дуу нь дэлхий дахины ардын дууны шинж төлөвтэй харьцуулан үзэхэд нэн өвөрмөц, гайхам сонин урлаг юм. Уртын дуу гэгч уудам тэнэгэр нугалаатай, олон янзын уянга төгөлдөр чимэгтэй, хүний сэтгэлийг догдлуулан хөгжөөгч аялгуу билээ. Уртын дуу нь дотроо айзам, урт, бэсрэг гэсэн олон төрлүүдтэй. Бидний өвөг дээдэс уртын дууг “Айзангийн гучин хоёр, хангайн найм” гэж ялган хувааж байжээ. 2002 онд болсон дэлхийн хөлбөмбөгийн аварга шалгаруулах тэмцээний нээлтэд МУГЖ Г.Хонгорзул уртын сайхан дуугаа эгшиглүүлсэн нь дэлхий даяар манай язгуур урлаг, тэр дундаа уртын дууг сонирхож эхэлсэний нэг жишээ юм.
Ийнхүү Нийслэлийн Улаанбаатар чуулгаас хэрэгжүүлж буй "Монгол уртын дуу" хэмээх сургалт хөтөлбөрийн бүртгэл тус чуулгын байранд энэ сарын 14-ныг хүртэл үргэлжлэх бөгөөд дэлгэрэнгүй мэдээллийг 99833653, 99085484, 70118411 дугаарын утсаар лавлах боломжтой аж.
Нийслэлийн Улаанбаатар чуулгын албан ёсны "facebook" хуудасруу "ЭНД" дарж зочлоорой.
Та бүхнийг урлагийн тэнгэр ивээг…
www.URLAG.mn
