Walt Disney

Тэрээр 1920 онд хүүхэлдэйн киноны анхны компаниудын нэгэнд нь зураачаар оров. Энэ зуураа хүүхэлдэйн киног улам сайжруулах арга замыг хайсаар байв. Өөрийнхөө санааг шалгаж үзэхийн тулд боссоосоо зураг авдаг камерийг нь гуйж шалсаар авч, аавынхаа гаражинд туршилтаа хийж үзнэ. Өрөөл бусдын туршиж, шалгаж үзэхийг хүлээж суулгүйгээр Дисней өөрийн биеэр туршиж үүнийхээ үрээр урагшлах замаа нээсэн юм.1937 онд "Цасан цагаан гүнж ба долоон одой" -г гаргасан бөгөөд энэ нь тун богино хугацааны дотор нэрд гарлаа. Дисней компаний зураач Воорд Кимболын өгүүлснээр " тэр хүүхэлдэйн киног үзээд үзэгчид сэтгэл хөдлөн уйлж байлаа. Уолт Дисней АНУ-ын Иллиной муж улсын Чикаго хотод Юнион Пасифик төмөр замын байгуулагын ажилтан Элиас Диснейн хүү болон төржээ. Түүний эцэг 1888 онд ээж Флоратай нь гэрлэсэн байна. Тэд Калифорни мужаас нүүн суурин ажил хийхээр Канзас хотруу шилжсэн ба дараа нь ажлын шугамаар Чикагод нүүн суурьшаад байв. Уолт Дисней энэ гэр бүлийн дөрөв дэх хүүхэд байсан юм. Түүний бүтээсэн хүүхэлдэй бүр аз жаргалтай төгсдөг бөгөөд үлгэр жишээ байдаг. Энэ хүүхэлдэйнүүд нь нэгэн үед шил дараалан гарж байсан хүүхэд болгоны зүрхэнд хоногшсон кинонууд юм. Хүүхэлдэйн киноны нэрт уран бүтээлч АНУ-ын Флорида муж улсад Диснейлэнд амралт зугаа цэнгээний хүрээлэн байгуулах төслийн нээлт хийхээс хэдхэн жилийн өмнө буюу 1966 оны 12 дугаар сарын 15-нд 65 насандаа уушигны хорт хавдрын улмаас насан өөд болжээ. Дисней Америкийн кино академийн шагналд 59 удаа нэр дэвшиж, Оскарын 26 шагнал хүртсэн нэрт уран бүтээлч байв. Тэрээр нэг жилд Оскарын дөрвөн шагнал авсан бөгөөд Оскарын хамгийн их шагналтай болон хамгийн олон удаа нэр дэвшсэн амжилтын эзэн болжээ. Үүнээс гадна долоон удаа "Эмми"-гийн шагнал хүртсэн байна.