Zara буюу түүнийг үндэслэгч Амансио Ортега

   Zara буюу түүнийг үндэслэгч Амансио Ортега

Zara-г үндэслэгч Амансио Ортега 1938 оны гуравдугаар сарын 28-нд төрсөн Испани гаралтай хүн юм. 

Амансио Ортега нь анхны Zara дэлгүүрээ 1975 онд Корунагийн төв гудамжинд нээжээ. Тус дэлгүүр нь маш амжилттай борлуулалт хийж эхэлснээр Zara-ийн амжилт болон фирм нь томрох, нэмэлт салбар дэлгүүрүүдээ нээх эхлэл болсон байна. Энэхүү анхны дэлгүүр нь бүтээгдэхүүндээ бага үнэ санал болгодгоос гадна хувцасны загвар нь дээд зэргийнх гэдгээрээ өвөрмөц онцлогтой байжээ. Ортега Zara дэлгүүрээ Испанид дахин нээсэн нь дэлгүүрийн амжилтыг баталсан үйл ажиллагаа болсон байна. 

Ортега 1984 онд Жозе Мариа Кастеллонатай нийлж дэлхий нийтийн хувцасны үйлдвэрт хувьсал болсон байна. Кастеллонагийн компьютержсэн системийн дор 10-15 хоногт хуваарилалтын үйл явцын загвараа өөрчлөх болов. Ганцаараа ажилладаг загвар зохион бүтээгч нарт бага багаар дарамт үзүүлж компанийн өөрийн гэсэн загвар зохион бүтээгчдийн багийг бүрдүүлсэн бөгөөд эдгээр нь олон нийтийн загварт үндэслэсэн хувцсыг хөгжүүлж эхэлсэн байна. Мөн энэ хугацаанд компани өөрийн гэсэн загварыг бий болгож чаджээ.

Сүүлийн арван жилд Zara-ийн 80 орчим дэлгүүр нээгдсэн бөгөөд 1988 онд Португалийн Оротод анхны гадаад дэлгүүрээ нээн дараа жил нь АНУ руу шилжсэн байна. Тухайн жилдээ зах зээлд амжилт нь буурсан хэдий ч 2000 оны эхээр АНУ-д зургаан дэлгүүр нь ажилласаар байв. 1990 онд Францын зах зээлд нэвтрэн орноос үүдэн өөрийн дэлгүүрээ олон улсын гол хотын төвүүдэд хурдтайгаар нээх болжээ. Тус компани нь 1992 онд Мексикт, 1993 онд Грект, 1994 онд Швед болон Бельгид, 1995 онд Мальтад, 1996 онд Кипрт шинэ дэлгүүрээ нээсэн бол 1997 онд Израйль, Турк, Норвеги болон Японд нэмж нээсэн бөгөөд 1998 онд Аргентин, Англи болон Венесуэлийн зах зээлд орсон байна. 2000 оноос эхэлж Герман, Нидерланд, Польш болон Европын зах зээлд өөрийн байр суурийг эзэлж чаджээ.