Хөгжмийн ертөнцийн шинэ оддыг төрүүлдэг “Америкийн шүтээн” шоу өнгөрөгч долоо хоногт ялагчаа тодруулсан байна. Өдгөө 12 дахь цувралаа үзэгчдэд хүргээд буй тус шоуны ялагчаар 23 настай оролцогч Кэндисе Гловер шалгарчээ.
Тэрээр тэргүүн байрын шагналыг гардсанаар 2007 оноос хойш анх удаа ялагчаар тодорч буй анхны эмэгтэй оролцогч болж байгаа бөгөөд түүний шинэ уран бүтээлийн тухай мэдээллүүд хэдийнэ сонсогчдод хүрч эхэлжээ. Кэндисе өөрийн “I Am Beautiful” нэртэй сингли дээр ажиллаж байгаа төдийгүй ирэх долдугаар сарын 16-нд “Music Speaks” нэртэй шинэ цомгоо гаргахаар төлөвлөсөн байна.
“Америкийн шүтээн”-ийн эцсийн шатанд Өмнөд Каролинаас ирсэн Кэндисе болон Техасаас ирсэн Кри Харрисон нарын хоёр оролцогч шалгаран үлдсэнээс Лос-Анжелосын “Nokia Theatre” зохион байгуулагдсан ялагчийг тодруулах мөчид Кэндисе ийнхүү аваргаар тодорсон байна.
www.URLAG.mn
