Хятадын орчин үеийн урлагийн хамгийн нөлөө бүхий уран бүтээлч, тэрс үзэлтэн, зураач Айвэйвэй /Ai Weiwei/ үзэгч сонсогчдын хүртээл болгосон нэгэн дууныхаа шинэ клипээр өөрийн улсын дарангуйлал, түрэмгий байдлыг эрс шүүмжилжээ. “Dumbass” хэмээх Англи нэрээр нэрлэгдсэн уг клипэнд 2011 онд 81 хоногийн турш хоригдох хугацаанд Айвэйвэйтэй шоронгийн хуягууд хэрхэн харьцдаг байсан, хоол, унтах, бие засах гээд хоригдох үеийнх нь бүх л үйл явдлыг дэлгэн харуулсан байна. Гэсэн хэдий ч Хятадад аль хэдийн тус клипийг олны хүртээл болгохыг хоригложээ.
Айвэйвэйн уянгын аястай дуунуудаас зарим нь ийнхүү Хятадын нийгмийн байдалд шүүмжлэлтэй хандсан уран бүтээлүүд байдаг аж. Хятадын эрх баригчид их хэмжээний татвар төлөөгүйн хэргээр Айвэйвэйд удаа дараа ял оноож тэрээр 2011 онд ийнхүү 81 хоног хоригдсон билээ. Айвэйвэй ирэх оны эхээр “The Divine Comedy” нэртэй хүнд рок урсгалын шинэ цомгоо гаргахаар төлөвлөж байгаа гэнэ.
www.URLAG.mn
