Энэ удаагийн “Mobile news”-ээр “МАСК” продакшны жүжигчин А.Гэрэлцэцэгтэй холбогдож тодруулга авсан юм. Учир нь түүнийг “тоглолтоос хоцорч ирэн, үзэгчдээ хүндлээгүй хэмээн хамтлагаасаа хөөгдсөн” гэх мэдээлэл цахим ертөнцөөр дуулиан тариад байгаа билээ.
Тэрбээр үүнд хариулт өгөхдөө: “Хамтлагаасаа хөөгдсөн гэх мэдээлэл ор үндэсгүй, худлаа зүйл”. Миний талаар буруу ташаа мэдээлэл тавьж, хүмүүсийг төөрөгдүүлж байна гэсэн юм. Түүнчлэн тэрбээр хамтлагтаа байгаа, ажлаа хийгээд явж байгаа гэдгээ онцолж байлаа. Хэн нэгний талаар ор үндэсгүй мэдээлэл бичиж байхгүй байхыг хэвлэлийнхэнд хэлж байна. Баримт нотолгоогүй зүйл бичиж хэн нэгний нэр төрд сөргөөр халдах эрх сэтгүүлчдэд байхгүй хэмээн хэлсэн юм.
Жүжигчин А. Гэрэлцэцэг тайз, дэлгэцийн олон бүтээлд чадварлаг тоглож байгаа залуу жүжигчин билээ. Түүний ажил, уран бүтээлд нь амжилт хүсье.
Б.Хорлоо
