Бид энэ удаагийнхаа “mobile news” булангаараа “Anemone” хамтлагийн ахлагч, дуучин Х.Жульдызтай холбогдож тодруулга авсан юм.
Түүний найз залуугаар “Ийгл” телевизийн захирал асан Б.Баярсайханы бага хүү Б.Мөнх-Очир тодорлоо гэх мэдээлэл гарсан. Түүнчлэн тэд саяхны нэгэн арга хэмжээн дээр хөтлөлцөн ирсэн нь олны анхаарлыг нилээд татлаа хэмээн цахим ертөнцөөр цацагдсан билээ.
Бид энэхүү мэдээллийн дагуу түүнтэй холбогдсон юм. Тэрбээр хариулт өгөхдөө: “Энэ мэдээлэл худлаа. Хамт авахуулсан зураг хараад ийм мэдээлэл бичсэн байна. Энэ бол ор үндэсгүй мэдээлэл" гэсэн юм. Сэтгүүлчид худал мэдээллийг олон дахин бичиж байгаад бухимдалтай байгаагаа хэлсэн.
Түүнчлэн энэ талаар өөрийн харъяалагддаг продакшны хүмүүстэй ярилцсаны дараа мэдээлэл хийнэ гэлээ. Сүүлийн үед охид, залуусын хамгийн их сонсох дуртай болсон тус хамтлагийнханд болон дуучин Х.Жулдызд уран бүтээлийн өндөр амжилт хүсье.
Б.Хорлоо
