Нээлтээ хийгээд удаагүй байгаа “Ларьдма” кино нь гэр бүлийн хүчирхийлэл, нийгэмд тулгамдаж буй эмзэг асуудлыг хөндсөн уран бүтээл болсон байна гэсэн үзэгчдийн үнэлэлтийг хүртээд байгаа.
Гарсан цагаасаа хүмүүсийн анхаарлыг татаж, нэлээдгүй шуугиан тариад байна. Тус киног “Өргөө” кино театрт үзэж суусан нэгэн залуу киноны дундуур босч ирэн хамт үзэж байсан эмэгтэйдээ уурлан үснээс нь зулгааж, чирч гарсан гэх мэдээлэл гарах болсон. Энэ үеэр “Өргөө” кино театрын хамгаалагчид болон тэнд байсан хүмүүс зүгээр л харж зогссон гэжээ.
Энэ талаар бид “Өргөө” кино театраас тодруулга хийхэд “Огт тийм зүйл Өргөө 1 болон Өргөө 2 кино театруудад болоогүй. Ор үндэслэлгүй мэдээлэл цацагдаж, бидний нэр хүндэд сөргөөр нөлөөлөх ийм мэдээлэл цацагдсан байна” гэсэн хариултыг “Өргөө” кино театрын холбогдох мэргэжлийн ажилтан өгсөн юм.
Я.Соёлоо
