“Алтан хальс” холбооны зүгээс мэдээлэл хийж, Монголд авангард киноны төрлийг хөгжүүлэх талаар санал бодлоо солилцлоо.Цаашид энэ төрлөөр тогтмол уран бүтээл туурвих нь чухал бөгөөд кино урлагийн хэл, формыг зоригойгоор эвддэг эксперименталь кино бүтээхийг зорьж буй аж.
Учир нь сайн чанарын эксперименталь кинонууд нь урлагийн гоо зүй арга барилын хөгжлийн томоохон хөдөлгөгч хүч болж өгдөг гэнэ. Манай улсад кино урлагийн сүүлийн үеийн шилдэг техник нэвтэрсэн ч кино урлаг тун богино хугацаанд нэгэн хэвийн, үхмэл шинж чанарыг олж эхэлдэг гэнэ. Үүний тод жишээ нь ашиг хонжоо хайсан гоо зүйн хувьд дорой инээдмийн кинонууд, хүний сэтгэлийг киноны хямдхан арга барилаар хөдөлгөх гэсэн мелодрамууд олширсоор байгааг “Алтан хальс” холбооныхон сануулсан байна.
Ингээд Монголд андерграунд кино уралдааныг зарлахаар болжээ. Тус уралдаан зөвхөн авангард, шинийг эрсэн чиглэлээр хийгдсэн байх шаардлагатай бөгөөд ирэх сарын 15-н хүртэл шалгаруулалт нь явагдах аж.
www.URLAG.mn
