Бид энэ удаад “Номин талст” хамтлагийн дуучин Т.Хангэрэлээс мэдээллийн тодруулга авч, түүнийг "Mobile news” буландаа онцолж байна.
Учир нь түүнийг шинэ албан тушаалд очоод урлагаа бүр мөсөн орхилоо гэсэн мэдээлэл цацагдах болсон. Одоогоор дуучин маань Гадаадын Иргэн Харъяатын Асуудал Эрхлэх газрын Харъяатын хэлтсийн асуудал эрхэлсэн даргын алба хашиж байгаа билээ. Ийнхүү түүнийг төрийн албанд зүтгэх болсоноор урлагаа орхилоо. Ойрын хэдэн жилийн төлөвлөгөөнд урлагт ажиллах бодол алга хэмээн ярьсан гэх мэдээллийн дагуу бид түүнтэй холбогдож дараах тодруулгыг авсан юм.
Тэрбээр энэ мэдээлэлд дараах тайлбарыг өгч байна. “ Шинэ ажилд ороод түүндээ анхаарлаа хандуулж ажиллана. Ерөнхийдөө урлагаасаа завсарлаж байгаа нь үнэн" гэсэн тайлбарыг өглөө.
Ямартай ч нэгэн үе Монголын урлагийн ертөнцөд өнгө нэмж байсан уран бүтээлчийнхээ цаашдынх нь ажил, амьдралд сайн сайханыг хүсье.
Б.Хорлоо