Бид энэ удаагийн “mobile news” буландаа МУСТА жүжигчин, найруулагч Б.Навчааг онцолж байна. Урлагийнхний талаар худал үнэн нь тодорхой олон мэдээлэл цацагддаг. Энэ жишиг жүжигчин Б.Навчааг ч тойрсонгүй.
Монголын кино урлагт өөрийн авъяас чадвар, хөдөлмөр зүтгэлээрээ гарч ирсэн түүнийг үзэгчид төдийгүй мэргэжил нэгт нөхөд сайн жүжигчин, сайн найруулагч хэмээн үнэлж байгаа. Дэлгэцнээ гараад удаагүй байгаа ч үзэгчдийг байлдан дагуулж, хамгийн эрэлттэй кино хэвээр байгаа “Ларьдма” уран сайханы кино нь олны талархалд нийцэж, чанартай уран бүтээл хэмээн үнэлүүлж байгаа билээ.
Харин түүний талаар нэгэн таагүй мэдээлэл гарах болсон юм. Саяхан нээлтээ хийсэн “Хориотой загвар” киноны нээлтийн дараах “Банкет” шоун дээр жинхэнэ тасарна гэдгийг үзүүлж, ирсэн уран бүтээлчдэд агсам тавьж нэлээдгүй хүмүүсийг сандаргажээ гэсэн мэдээллийн дагуу бид түүнтэй холбогдож дараах мэдээллийг авсан юм.
Тэрбээр хэлэхдээ: “Би хориотой загвар” кинонд тоглосон. Гэхдээ тэр киноны нээлтэн дээр ч очоогүй, агсам согтуу тавьсан зүйл огт байхгүй ээ. Харин “Хориотой загвар” киног сайн уран бүтээл болоогүй гэж хэлсэн нь үнэн гэсэн юм. Ямартай ч огт очоогүй хүнийг тасарсан тэр бүү хэл агсам согтуу тавьсан хэмээн буруу ташаа мэдээлэл бичжээ.
Б.Хорол
