Сүхбаатарын талбай дахь энэ музейд 70 сая жилийн тэртээх түүхийн үнэт өв Т-батаар болон энэхүү олдворыг эх нутагт нь авчрах хүртэл өрнөсөн үйл явцыг фото зураг болоод тайлбартайгаар тавьжээ.
Монгол Улсаас хууль бусаар гарч АНУ-ын Нью-Йорк хотноо дуудлага худалдаагаар худалдаалагдах гэж байсан Үндэсний соёлын үнэт өв Тираннозавр батаарын олдворыг эргүүлэн авч ирэх үйлсэд үнэтэй хувь нэмэр оруулсан хувь хүн болон хамт олонд Монгол Улсын Ерөнхий сайд Н.Алтанхуягийн гарын үсэг бүхий хүндэт өргөмжлөлийг гардуулсан билээ.
Энэ оны 9 дүгээр сарын 15 хүртэл ажиллах түр музейг эхний нэг сар үнэ төлбөргүй, дараагийн сараас насанд хүрэгчид 1000, хүүхэд 500 төгрөгөөр үзэж сонирхох боломжтой гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
Тарбозавр Батаар үлэг гүрвэлийн түр музейн нээлт 6-р сарын 8-ны өдөр болсон билээ. Уг музейг эхний өдөр 10556 хүн, 6-р сарын 9-ний өдөр 18500 хүн буюу нийтдээ 29056 хүн үзэж сонирхжээ.
Батаарын музей ажлын өдөр 10:00-20:00 цаг, амралтын өдөр 11:00-19:00 цагийн хооронд ажиллаж байна.
www.URLAG.mn
