“Хайрын дууч” хэмээн олонд хүндлэгддэг дуучин С.Сэрчмаа 14 жилийн турш уран бүтээл туурвиж, согсогч фенүүдтэйгээ хамт байжээ. Мэдээж эдгээр жилүүдэд хийсэн, бүтээсэн уран бүтээл олон бий.
Түүнийг энгийн өөрийнхөөрөө байж чаддаг, элдэв маяг, маскгүй дуучин хэмээн нэрлэхэд буруудахгүй бизээ. Түүний сонсогч, фенүүд нь ч хамгийн энгийн байгаагаараа байж чаддаг уран бүтээлч хэмээн үнэлдэг.
Дуучин бүсгүй маань дурлалт хосуудын хоорондох хайрыг улаан өнгө, дүрэлзэн ассан галтай зүйрлэдэг гэнэ. Түүний бодлоор тийм их эрч хүчтэй, давалгаалж долгиолсон, хуулирч эрчилсэн басхүү зогсолтгүй эргэж байдаг зүйл бол хайр гэнэ. Тиймээс хайрыг улаан өнгөөр төсөөлөн боддог хэмээн онцолсон байдаг .
Харин түүний бодлоор хүний хань, нөхөр гэдэг нэгнийгээ хайрлаж, зовж гуниглахад нь сэтгэлийн дэм болж, бүдрэхэд нь түшиж тулж чаддаг байх хэрэгтэй хэмээн хэлжээ. Хүн гэдэг ганцаараа хорвоод төрчихөөд хосоороо амьдрах нь магадгүй бурхны нэг хүсэл байх хэмээн онцолсон нь олон хүний сэтгэлийг хөдөлгөсөн.
Б.Хорол
