Холливудын хамгийн үзэсгэлэнтэй бүсгүйчүүдийн нэгд зүй ёсоор тооцогддог жүжигчин Холли Берри 47 насандаа дахин үрийн зулай үнэрлэж хүүтэй болжээ.
Түүний нөхөр Францын жүжигчин 47 настай Оливье Мартинес хүүтэй болсондоо маш их баярлаж байна гэжээ.Оливье Мартинес, Холли Берри нар 2010 оноос хойш хамт амьдарч байгаа бөгөөд тэд “Dark Tide” кинонд хамтран тоглох үедээ дотносож өнгөрсөн оны эхээр сүй тавьсан юм.
Холлигийн хувьд өмнө нь хоёр удаа гэрлэж байсан юм. Анхны нөхөр нь бейсболчин Дэвид Жастис байсан бол удаахь нөхөр нь дуучин Эрик Бенет. Гэхдээ түүний анхны хүүхэд нь Канадын загвар өмсөгч Габриэль Обригийнх. Тэрбээр Версачьед зориулсан сурталчилгааны зураг авахуулах үедээ өөрөөсөө есөн насаар дүү загвар өмсөгч залуутай танилцаж учир ургуулж байжээ.
Хожим тэд салах үедээ охиноо булаацалдан шүүхийн хаалга татсан ч асуудал Холлигийн талд шийдвэрлэгдсэнээр охинтойгоо үлдсэн юм. Түүний охин Нала Оливьетэй хэдийнэ дотноссон бөгөөд төрсөн эцэг, охин шиг л харилцаатай байдгийг хэвлэлүүд онцолдог.
www.URLAG.mn
