Бид энэ удаагийн “mobile news”-ээр МУГЖ дуучин Т.Баясгаланг онцолж байна. Түүний төрсөн өдөр өнгөрөгч 12-ны өдөр тохиосон билээ.Түүний нөхөр УИХ-ын гишүүн Д.Батбаяр энэ төрсөн өдрөөр нь нэг тэрбумын үнэтэй “Шуурхай” хэмээх телевиз бэлэглэлээ хэмээн цахим сайтуудаар бичигдсэн юм.
Нэгэн үе нийтийн дуучидын нүүр царай болж, дуулсан дуу болгон хит болж байсан тэрбээр 28 насандаа МУГЖ хэмээх эрхэм алдрыг хүртсэн. Өдгөө хувийн амьдралдаа илүү анхаарч хүү, охины ээж, халамжит хань болсон билээ. Түүний төрсөн өдрийн бэлэг үргэлж олны анхаарлын төвд байдаг. Учир нь тэрбээр “Эх орон” телевиз, “Баясгалантай дэлхий” эмнэлэг, “Хар төгөлдөр хуур” зэргийг нөхрөөсөө бэлгэнд авч байсан билээ. Эдээрийн дараа ээлжит срюприз юу болох нь олны анхаарлыг багагүй татаад байсан юм.
Тэгвэл энэ удаад дуучин бүсгүй “Шуурхай” хэмээх телевиз төрсөн өдрийн бэлгэнд авлаа гэсэн мэдээллийн дагуу бид түүнтэй холбогдсон юм. Дуучин маань нэлээд завгүй яваагаа хэлээд, энэ талаар дараа хэлье хэмээн амлалаа. Ямартай ч одоогоор түүний төрсөн өдрийн бэлэг нууц хэвээрээ үлдлээ.
Б.Хорол
