6-р сарын 13 ны удэш "Blue Moon" арт галлерэйд "Урлагийн үдэшлэг" 2 дахь удаагаа амжилттай зохиогдож өнгөрлөө. Уг үдэшлэгт зураачид болон урлаг сонирхдог бух насныхан цугласан юм. Уг үдэшлэг нэгэн үдшийг зөвхөн дүрслэх урлагаар бус урлагийн бүх төрлөөр амьсгалж өнгөрөөснөөрөө онцлогтой боллоо:
Үдэшлэгийн үеэр зураач Д.Азжаргалын "Миний Нүдээр" нэртэй уран бүтээлийн үзэсгэлэнгийн өвөрмөц содон бүтээлүүд дэлгэгдсэн байсан бөгөөд амьд хөгжмийн "Аадар" хамтлаг, жааз дуучин Куш, Оюука нар ирж зочдод ая дуугаа өргөсөн нь маш сохирхолтой байлаа. Мөн сонгодог хөгжмийн хамтлаг ирж зочдын сонорийг баясгасан юм.
Урлагийн үдэшлэгийн үеэр олон сонирхолтой үйл айжиллагаанууд зохиогдсоны нэг бол "Боди Арт" шоу байлаа.
Эрэгтэй эмэгтэй натурууд дээр зураач Д.Азжаргал Б.Золзаяа нар өөрсдийн уран сэтгэмж мэдрэмжийг илтгэсэн сонирхолтой бүтээл хийж манай зочдод сүрприз барилаа. Үүнээс гадна "BLUE MOON" арт галлерэйгаас зохиогдсон "Тэнгэрийн бичээс" уран бичлэгийн үзэсгэлэнд шилдэг бүтээлийн шагнал авсан авъяаслаг уран бүтээлч Найдандорж өөрийн гараар ирсэн бүх зочдод монгол бичгииг гайхамшгийг харуулсан үгсийг бичиж өгсөн нь сонирхолтой баив.
Үдэшлэгийн үеэр 2 төрлийн тэмцээн зохиосоны нэг нь зураач нарын дундах тэмцээн байлаа. Уг тэмцээн нь 3 зураачийг урьж, зочдын дундаас нэгэн бүсгүйг натур болгон таталбар хийж үзэгчид шүүсэн. Харин зочдын дундах тэмцээнд мэргэжлийн бүжгийн багш ирж "Бачата" бужгийг зааж дараа нь хос хосоороо бүжиглэж нэг хосыг тэмцээний ялагчаар тодруулсан юм.
Ингээд 2 дахь удаагаа зохиогдсон сонирхолтой урлагийн хөтөлбөрөөр дүүрэн Урлагийн үдэшлэг сайхан болж өндөрлөлөө."BLUE MOON" арт галлерэйгаас цаашдаа Урлагиин Үдэшлэгийг уламжлал болгон байнга зохион байгуулахаар төлөвлөөд байна. Уг үдэшлэгийн гол зорилго нь нэгэн удшийг урлагаар амьсгалж өнгөрөөх бөгөөд зураач, уран бүтээлчид мөн урлаг сонирхдог хэн бүхэн нэг дор цуглаж халуун уур амьсгал бүрддэгээрээ онцлог юм.
www.URLAG.mn
