"Хай-Фай рекордс"-оос жил бүр уламжлал болгон зохион байгуулдаг “Playtime 2013” наадамд оролцох оролцогчдын бүртгэл эхэлжээ. Уг наадам уламжлалт ёсоороо Гачууртад байрладаг Монгол Шилтгээн аялал жуулчлалын цогцолборт 2013 оны 7-р сарын 27, 28-нд амралтын өдрүүдээр 12 дахь жилдээ зохион байгуулагдах гэж байна. Харин бүртгэл энэ сарын 25-ныг хүртэл хүртэл “Хай-Фай рекордс”-т үргэлжилнэ.
Энэ жилийн “Playtime 2013” наадмаас эхэлж концепцийн өөрчлөлт орж байгаа бөгөөд гол онцлог нь анхаарал татаж байгаа чадвартай шинэ залуу хамтлагууд оролцоно.
Мөн яг энэхүү мөчид уран бүтээл шинээр туурвиж байгаа хамтлагууд түлхүү урилгаар оролцож шинэ дуу хөгжмөө хүргэх нийт 30 орчим хамтлаг оролцох ажээ. Хамтлагуудад бүтэн сет тоглох боломж олгох бөгөөд тоглох цаг уртасах боломжтой гэнэ. Хамтлагуудын тоо хязгаартай тул наадмын тайзнаа гарах хүсэлтэй амьд хөгжим сонирхогч залуусаа яараарай.
www.URLAG.mn