“АНУ-ын Гоо бүсгүй” шагналыг хүртсэн дөрвөн ч бүсгүй амьтдын үс, ноосоор хийсэн хувцас, бараанаас татгалзахыг уриалан нүцгэлэхээр шийдсэн байна. “Амьтадтай зөв зохистой харьцахын төлөө” байгууллага буюу PETA-гийн хар, цагаан өнгийн уриалга самбар дээр тус улсын сайхан бүсгүйгээр 1995 онд шалгарч байсан Шанна Моклер, 2003 оны мисс Сьюзи Кастильо, 2004 оны гоо бүсгүй Шанди Финессей, 2011 оны сайхан бүсгүй Алисса Кампанелла нар нүцгэнээр зогсох аж.Шинэ кампанит ажлын уриа нь маш тодорхой гэнэ. “Амьтдын үс, ноосыг хэвээр нь үлдээн өөрийнхөө арьсан дотор гоё сайхан байгаагаа мэдэр” гэж уриалга дээр бичжээ. Зохион байгуулагчид нь сайхан бүсгүй шалгаруулах тэмцээнүүдийн эздийг ялагч хүүхнүүдэд булган шуба өгдөгөө зогсоохыг уриалав.
1980 онд байгуулагдсан PETA байгууллагын үйл ажиллагаанд шоу бизнесийн олон одод оролцож байсан билээ. Цагтаа тэдний үйл ажиллагааг дэмжиж Келли Брук, Саша Грей, Ева Мендес, Дэннис Родман, Рон Жереми, Розелин Санчес нар нүцгэлж байсан юм.
Эх сурвалж: miss.mn
