Бид энэ удаад “Mobile photo”-гоор жүжигчин Д.Долгор жүжигчин Б.Чинзориг нарын дараах зургийг онцолж байна. Тэднийг үзэгчид телевизийн олон ангит “Өдөр өдрийн нар” кинонд хамт тоглосноор нь мэдэх билээ.
Мэргэжил нэгт жүжигчид маань өөрсдийн бүтээсэн дүр, хийсэн уран бүтээлээрээ урлагийн салбарт гялалзаж явна. Бид жүжигчин О.Долгорыг “Үл таних эмэгтэй”, “Өдөр өдрийн нар” киногоор нь мэдэх бол жүжигчин Б.Чинзориг “Өдөр өдрийн нар” киноны мэс заслын эмчийн дүрээр бидэнд хэдийнэ танил болсон.
Тэд “Өдөр өдрийн нар” кинонд тоглож танилцсан бөгөөд хайр сэтгэлээ ч тэндээс олж авсан гэдэг. Ийнхүү урлагаас, уран бүтээлээс хайр сэтгэлээ олж хамтын амьдралаа эхлүүлсэндээ ихэд билэгшээлтэй байдагаа онцолдог. Тэд хүүтэй болж бүл нэмээд багагүй хугацаа өнгөрчээ.
Хэдийгээр уран бүтээлчдийн амьдрал олны анхаарлыг татаж байдаг ч хосууд маань тэр бүр олны хэл аманд өртөөд байдаггүй нам гүмхэн амьдардаг. Ингээд урлагийн ээлжит сайхан хосуудын зургийг онцолж байна.
