Дуучин, жүжигчин Женнифер Лопез өчигдөр Лос-Анжелес хотын Алдартны гудамжинд нэрээ мөнхөлсөн 2500 дахь хүн боллоо.Тэрбээр нээлтийн ёслолын үеэр “Надад маш гайхалтай, үгээр илэрхийлж боломгүй мэдрэмж төрж байна. Хэзээ нэгэн цагт өөрийнхөө нэрийг энэ гудамжинд мөнхөлнө гэж бодож байсангүй” гэжээ.
Женнифер Лопез 1986 оноос хойш 30 гаруй кинонд гол, туслах дүрийг бүтээж, 2 хүүхэлдэйн кинонд дуу оруулсан байна. Жүжигчин Жэсон Стэтхэмтэй хамтран тоглосон “Parker” кино нь энэ оны нэгдүгээр сард үзэгчдийн хүртээл болсон юм.
Женнифер Лопез 1997 онд Мексикийн кино найруулагч Грегорий Навагийн “Selena” кинонд тоглож, Алтан бөмбөрцөг наадмын шилдэг эмэгтэй жүжигчний төрөлд нэр дэвшиж байв. Мөн тэрбээр 2006 оноос хойш 6 кинонд ерөнхий продюссерээр ажиллажээ.
www.URLAG.mn
