Бид энэ удаад дуучин Анугийн талаарх мэдээллийг “mobile news” булангаараа онцолж байна. Учир нь түүнийг “Гурван гал” эмнэлэгт нярайлж, охинтой боллоо гэсэн мэдээлэл цахим сайтуудаар цацагдаад байгаа билээ.
Энэ мэдээллийн дагуу бид түүнтэй холбогдох гэсэн боловч дуучин маань шинэ уран бүтээлийн ажлаар хөдөө явсан байсан юм. Ингээд бид ойрын эх сурвалж болох түүний дүүгээс тодруулга авсан юм.Тэрбээр хэлэхдээ: “Цахим сайтуудаар цацагдаад байгаа дуучин Ану охинтой болж ээж болсон гэх мэдээлэл ор үндэслэлгүй” гэсэн юм. Түүнчлэн дуучин Ану одоогоор шинэ уран бүтээлдээ ороод тун завгүй яваа гэдгийг онцолж байлаа.
Ямартаа ч дуучин бүсгүй маань нярайлж ээж болоогүй бөгөөд шинэ уран бүтээл туурвин тун чиг завгүй ажиллаж байгаа аж.
www.URLAG.mn
