Хөгжмийн зохиолч, төгөлдөр хуурч МУСТА Б.Чинбат 5 сараас эхлэн бүтээн байгуулалтын ажил нь хийгдсэн “Түмэн хишигтэн” төсөлд зориулан “Эзлэн” хэмээх хөгжмийн бүтээл туурвиж байгаа гэх мэдээллийг хүргэж байсан билээ.
Тэрбээр өөрийн “facebook” хуудаснаа “Аугаа их ухаанаар дэлхийг дайтаж эзэлсэн Эзэн хааны “Түмэн хишигтэн” болоод түүний үнэнч баатруудад зориулсан хөгжмөө зохиож байна.Их түүхийг уншиж, судлаж, ухаарах тусам улам их хүсэл сэтгэл минь оргилж, хөгжмийн маань ая аялгуунууд аяндаа урсан гарсаар байна” хэмээн бичсэн нь түүний бүтээл чин сэтгэлээс нь гарч буйн илэрхийлэл гэлтэй.
Тэгвэл энэ шинэ хөгжмийн бүтээлийг 60 гаруй хүний бүрэлдэхүүнтэй “Үндэсний их найрал” хөгжимчид тоглож амьдруулан бэлэн болгосон байна. Энэхүү симфони туульсын хөгжмийн найруулгыг бүрэн эхээр нь бэлдэхээр хөгжмийн зохиолч маань маргааш Сингапурыг зорихоор болжээ.
www.URLAG.mn
