“Татар” хамтлагийнхан 10 жилийн ойн тоглолтоо хийхэд ес хоног үлдлээ. Тэд ойдоо зориулан өнгөрсөн зургадугаар сард “Нөлөөллөөс дээгүүрт” аяныг өрнүүлэн залуусыг архины эсрэг, бусдын муу нөлөөнд автахгүй, өөрөөрөө байж, өөрөө сэтгэн, зөв хандлагатай амьдрахыг уриалсан юм. Тэд уг аяныхаа хүрээнд нийслэлийн өнцөг булан бүрт өөрсдийн дуу хоолойгоо хүргэн “Нөлөөллөөс дээгүүрт” цомгийн нээлтээ хийн залуусыг эгнээндээ нэгтгэн фен клубын үйл ажиллагаагаа идэвхжүүлсэн юм. Өнөөдөр тэдний санаачилсан “Нөлөөллөөс дээгүүрт” аян 20 мянга хол давсан дэмжигчидтэй болж үндэсний хөдөлгөөн болтлоо өргөжсөн юм.
“Татар”-чууд удаан хүлээлгэсэн фенүүдээ баярлуулж, гурав дахь бие даасан тоглолтоо 10 жилийн ойдоо зориулан “UB Palace”-ийн “Open air”-т ирэх долдугаар сарын 5-нд хийхээр товоо зарлаад байгаа юм. Тэгвэл өнөөдөр “Татар”-ын 10 жилийн ойн тоглолтын тасалбар хэвлэлтээс гарчээ. Тиймээс тэд өнөөдрөөс эхлэн “UB Palace”-ын касс, “MetroMall”-ын хажууд байрлах “Татар” хамтлагийн фен клубын төв байр, “Мир” номын дэлгүүрийн бүх сүлжээ, ТВ тохиролцоогоор тоглолтын тасалбараа 10 мянган төгрөгөөр худалдаалж эхлэх нь ээ. Мөн та 1617 дугаарт залган үнэгүй хүргүүлж болно гэсэн шүү.
www.URLAG.mn
